وحيد خليلوزيتش يفاجئ الجميع بهدا اللاعب+خليلو يتعرض لعاصفة من الاحتجاجات جماهير الجيش

وحيد خليلوزيتش يفاجئ الجميع بهدا اللاعب+خليلو يتعرض لعاصفة من الاحتجاجات جماهير الجيش  




أكدات تقارير صحفية مصرية،ان المدرب و خ غادي يستدعي وليد الكرتي لاعب فريق بيراميدز المصري،وهادشي اكداتو،إدارة نادي بيراميدز بعدما توصلات بمراسلة من الجامعة الملكية المغربية لكرة القدم، باش تعلمها بتواجد اسم وليد الكرتي في القائمة الأولية للمنتخب المغربي اللي غادي تواجه الكونكو الديموقراطية. وهاد الخبر اكداتو جريدة المنتخب بتاريخ اليوم طبعا اللي هو 5 مارس 

وبين قوسين وليد الكرتي كيقدم مستوى جيد مع بيراميدز وغير البارحة سجل هدف  

يعني حاليا خليلو غادي يجيب وليد الكرتي + انه حاط عينيه على لاعبين من الرجاء والوداء ومعجب بيحيى جبران + هناك اخبار مؤكدة كتقول انه غادي يكونفوكي عبد الصمد الزلزلولي وماخفي كان اعضم وفاش كنقولو انه غادي يعيط على هاد الكم الهائل من اللاعبين اللي ملعبوش لا في كاس افريقيا او اقصائيات كاس العالم فهادا كيعني انه غادي يستبعد لاعبين اللي كانو كيتواجدو في المنتخب مؤخرا ومغاديش يعني غادي نعيشو في نفس الدوامة بمعنى غادي نشوفو منتخب بدون هوية وبدون تناغم وتجانس على ارضية الملعب وهادشي غير عولو عليه يا مغاربة 

ولكن السؤال كيبقى مطروح وموجه للجامعة


مدام الخدمة ديال خليلو معروفة انه في كل لائحة كيعيط على لاعبين جداد علاش مستغنيتوش عليه مند اقصاء المنتخب امام مصر 

لان الاسباب تشبتكم بيه وهو قرب مبارة الكونكو يعني الوقت غير كافي باش تجيبو مدرب عاد غادي يجمع ويبني المنتخب من الاول

وهاد المعادلة كان ممكن طبقوها وتكون مقنعة الى كانت على مدرب عندو مجموعة ومكونها من الاساس يعني لو كنتو ستغنيتو على خ مكان غادي يكون حتى شي تاتير واي مدرب كان غادي يجي غايكون افضل منو على الاقل غادي يرجع زياش ومزراوي وحتى حمد الله وترجع الروح مرة اخى للمنتخب والجماهير المغربية 


ايضا اليوما الناخب الوطني وحيد خليلوزيتش لقا راسو أمام عاصفة من الاحتجاجات أثناء حضوره لمتابعة مباراة الجيش الملكي والفتح الرياضي

قبل انطلاق ديربي الرباط وبداو كيطالبوه باعادة ح ز للمنتخب

رددين عبارة "زياش.. زياش وبين قوسين  لجماهير عافين ومتاكدين انه زياش عمرو غدي يلعب تحت قيادة وحيد خليلو ...غير بغاو يوصو ليه رسالة انه رتاكب خطئ كبير وانه لا علاقة له بالتدريب نهائيا

تعليقات