وحيد خليلوزيتش يتورعلى زهير فضال+الماغودي يفاجئ الجميع بسبب حجي و حكيم زياش+المهدي بن عطية

 وحيد خليلوزيتش يتورعلى زهير فضال+الماغودي يفاجئ الجميع بسبب حجي و حكيم زياش+المهدي بن عطية

 


 

 
فبدما للبارحة كنت بارطاجيت معاكم واحد الخبر ان زهير فضال كان خرج بتصريحات مع صحيفة "أبولا البرتغالية وكان غاضب من المدرب وحيد خليلو
وقال انه توصل بدعوة من الجامعة المغربية لكرة القدم للإنضمام لصفوف الأسود، بل اكتر من هادا توصل بالتذكرة للسفر إلى المغرب و لكن فاش علن وحيد خاليلو على لائحة المنتخب ملقاش الاسم ديالو وستغرب على سبب سحب إسمه دون أي تفسير أو مبرر.
الجديد وهو
رد خليلودزيتش على هذه الواقعة ومع نفس الصحيفة اللي هي صحيفة "أبولا البرتغالية واللي كان رد ديالو مستفز بمعنى الكلمة بحيت قال: "فضال؟.. لقد نسيت أنه لاعب أعسر يعني كيلعب بالرجل اليسرى
، لهذا غيرت رأيي وفضلت جواد يميق (لاعب بلد الوليد).. أما عن تذكرة الطائرة التي توصل بها، لا تهمني.. لست أنا من سيدفع ثمنها".
وبغض النضر على الجواب ديال خليلو المستفر فكيف يعقل لمدرب كيدرب منتخب كبير بحال المغرب يقول انا نسيت بان زهير فضال راه كيلعب بالجوشية وكان كيصحاب ليا في لاول كيلعب بالرجل اليمنى وهنا اتوماتيكيا غادي يبان ليك انه مكيتبعش ومكيتفرجش في اللاعبين وفاش كتجي الوقت ديال اللائحة
فراه كيبدى غير كيشير وكيعيط على لاعبين بدون اي دراسة داكشي عشوائي
هكاك علاش دائما كنشوفو لائحة ديالو فيها بعض الاعبين بكل امانه ميستاحقوش يلعبو حتى بطولة الهواة في المغرب
فلو خليلو كان كيتابع اللاعبين على الاقل كان غادي يكونفوكي عبد الرزاق حمد الله وغادي يعرف انه هارب على النصيري والكعبي بغض النضر على المشكل اللي بين اللاعب والجامعة
ايضا امين حارت اللي نتافض مؤخرامع فريقه مارسيليا واصبح كيقدم مستويات كبيرة وغيرهم من اللاعبين
وكنبغيو نبعدو من متل هاد التشويشات لان المباراة الاولى مع الكونكو بقات ليها 6 ايام فقط ولكن خليلو كيرغمك باش تهضر بزز منك لان متل هاد الاخبار لابدة نوصلوها ليكم كما هي


ايضا الصحفي والناقد الرياضي محمد الماغودي فبعدما كان السباق في اعلان خبر اقالة حجي دار بوسط اخر وقال على ان
* الابعاد لا علاقة له بجمهور البيضاء ،أو بالتلاعب بمشاعر المغاربة.
الابعاد له علاقة بملف زياش المظلوم جدا، جدا ،جدا، والذي استوعبه خليلوزيدتش بشكل متأخر ، وقضايا أخرى ساطرحها بشجاعة بعد لقائي الكونغو الديمقراطية.
كل الدعم للاسود .
يعني فور انتهاء المبارتين الفاصلتين محمد الماغودي غادي يكشف لينا الحقيقة كاملتا
وحاليا فقط تركيزنا منصب مع المنتخب الوطني المغربي وهدفنا واحد وهو التاهل للمونديال ان شاء الله
راه كاس العالم بدون المنتخب المغربي مكتسوى والو


ونختمو مع المهدي بن عطية اللي خرج بتصريح جميل جدا حول المنتخب المغربي بحيت قال
مواجهتا الكونغو الديمقراطية تكتسيان أهمية بالغة، الآن يوجد جيل جيد للغاية لديه الموهبة، أتمنى التأهل إلى كأس العالم القادمة".
وتابع: "نحن في حقبتنا انتظرنا 20 سنة لإسعاد الشعب المغربي بالعبور إلى المونديال، ولازلت أتذكر ما عشناه من أحاسيس في روسيا، والآن لدي الرغبة كي أُتابع المنتخب الوطني كمتفرج والتنقل إلى قطر ومساندته، يجب علينا الإيمان بهذا المنتخب ومؤازرته".
وحاليا كتروج بعض الاخبار ان بن عطية هو اللي غادي يكون في المستقبل مساعد مدرب المنتخب المغربي
ولكن ديك الاخبار حتى الان مكيناش بتاتا مكينا حتى شي حاجة رسمية
وبالنسبة ليا كنتمنى هو اللي ياخد منصب مساعد مدرب عندو شخصية وكاريزما وتجربة كبيرة اكيد غادي يكون اضافة للمنتخب

تعليقات